LK frumsýnir Trainspotting í kvöld

Leikfélag Keflavíkur frumsýnir í kvöld verkið Trainspotting eftir Irvine Welsh í Frumleikhúsinu.

Æfingar hafa staðið yfir í fjórar vikur en að mörgu þarf að að huga í kringum slíka sýningu.

Leikstjóri er Jón Marinó Sigurðsson en hann leikstýrði söngleik Vox Arena Er tilgangur eftir Júlíus Guðmundsson sem settur var upp í 88 Húsinu sl. vor.

Þýðandi er hinn eini sanni Megas.

Sýningin er bönnuð innan 14 ára en í sýningunni eru atriði sem gætu lagst illa í ungar sálir.
Næstu sýningar verða um helgar fram að jólum og hugsanlega eitthvað eftir jól.