Ljósmyndasýningin Náttúruunnandinn á Ránni

Yfirstandandi er ljósmyndasýningin Náttúruunnandinn á veitingahúsinu Ránni, í Ingimundarbúð - Hafnargötu 19, Keflavík, með ljósmyndum eftir áhugaljósmyndarann Rúnar Geir Björnsson og er sýningin opinn alla daga milli kl. 11:00 og 01:00.

Rúnar er fæddur í sporðdrekamerkinu árið 1967, sveitamaður í húð og hár, sem ólst upp að Skriðufelli í Gnúpverjahreppi í Þjórsárdal. Vatn er það frumefni sem stjórnar sporðdrekanum og sjást þess greinileg merki í myndunum að Rúnar er heillaður af fossum og vötnum.

Rúnar hefur alla tíð verið í sterkum tengslum við íslenska náttúru og hefur um árabil tekið ljósmyndir á gönguferðum sínum um landið. Rúnar er áhugaljósmyndari sem á stórt ljósmyndasafn og sýnir valdar myndir sem teknar voru á síðustu 10 árum.

Ljósmyndirnar eru allar til sölu og einnig liggja frammi almbúm með fleiri ljósmyndum sem hægt er að panta stækkun af hjá Rúnari.
Verð ljósmyndanna er mjög hagstætt, frá kr. 8.000. til kr. 15.000.

Hægt er að hafa samband við Rúnar í síma eða með tölvupósti til að panta myndir.