Lítilsháttar rigning í dag

Kl. 6 var austlæg eða breytileg átt, 3-8 m/s og skýjað og sums staðar lítilsháttar væta sunnan til, en þokuloft úti við norður- og austurströndina. Hiti var 3 til 10 stig, hlýjast á Suðvesturlandi.

Í dag verður austlæg eða breytileg átt, 3-8 m/s og lítilsháttar rigning öðru hverju sunnanlands, en annars skýjað með köflum og þokuloft úti við ströndina. Austan 8-13 sunnanlands síðdegis og víða rigning eða súld, en hægari og yfirleitt bjart norðan til. Austan 5-10 og skýjað með köflum á morgun, en súld úti við suður- og austurströndina. Hiti 10 til 18 stig að deginum, hlýjast í innsveitum norðaustan til.