Lionsmenn gáfu matarúttektir í Nettó

Lionsklúbbur Keflavíkur styrkti á dögunum Velferðarsjóð Suðurnesja með fjárframlagi upp á 360.000 krónur. Framlagið er í formi inneignarkorta í verslunum Nettó en klúbburinn keypti kort af Nettó fyrir 330.000 krónur og Nettó bætti 30.000 krónum við upphæðina.
Þórunn Íris Þórisdóttir rekstrarstjóri Keflavíkurkirkju tók við framlaginu fyrir hönd Velferðarsjóðs Suðurnesja.