Lið Reykjanesbæjar mætir liði Reykjavíkur

Lið Reykjanesbæjar mætir liði Reykjavíkur í 8 liða úrslitum í Útsvari á RÚV í kvöld, föstudagskvöld kl. 20.

Þetta er í annað sinn á þessum vetri sem liðin mætast en Reykjanesbær sló Reykjavík út í fyrstu umferð þáttarins í október með 87 stigum gegn 60.

Í febrúar var Fjarðabyggð, sem hafði 6 stiga forystu fyrir lokaspurningarnar, „tekin með tannþræði“ 75 – 61. Viðureignin var sérlega skemmtileg, eða það fannst í það minnsta spyrlinum, Sigmar Guðmundssyni, sem skemmti áhorfendum með óstöðvandi hláturskasti, segir í frétt á vef Reykjanesbæjar.