Lið FS sigraði lið bændaskólans í Gettu Betur

Lið Fjölbrautaskóla Suðurnesja komst áfram í spurningakeppni framhaldsskólanna, Gettu Betur þegar lið FS sigraði Landbúnaðarháskólann á Hvanneyri með 18 stigum gegn 17. Keppnin fór fram á Rás 2 sl. þriðjudag, en lið FS skipa þeir Ari Lár Valsson, Bragi Jónsson og Gunnar Þór Ásgeirsson. Þeim til aðstoðar er Árni Jóhannsson en umsjón með liðinu hefur Magnús Ó. Ingvarsson, stærðfræðikennari.
Keppnin á Rás tvö er útsláttarkeppni.  Lið frá 28 skólum taka þátt í keppninni að þessu sinni og hefur þátttaka aldrei verið meiri
Keppnin í Sjónvarpinu hefst fimmtudag 19. febrúar og lýkur 2. apríl.  Átta lið keppa í Sjónvarpinu.