Léttskýjað sunnan- og vestanlands en frost víða 2 til 10 stig

Í morgun kl. 06:00 var hæg breytileg átt, en norðvestan 8-15 m/s allvíða við austurströndina. Sunnan- og vestantil var léttskýjað en skýjað með köflum og stöku él um landið norðanvert. Frost 2 til 19 stig, kaldast í Árnesi í Hreppum.

Yfir Vestanverðu landinu er 1033 mb hæð, en við norðanverðan Noreg er víðáttumikil 982 mb lægð. Langt suðvestur í hafi er 977 mb lægð á norðausturleið.

Veðurhorfur á landinu til kl. 18 á morgun:
Norðvestan 8-13 m/s við austurströndina fram eftir morgni, annars hæg breytileg átt. Léttskýjað sunnan- og vestanlands. Stöku él á Norðaustur- og Austurlandi í fyrstu, en léttir síðan til. Hæg austlæg átt sunnantil í nótt og þykknar upp. Suðaustan og austan 10-18 og rigning eða slydda sunnan- og vestantil síðdegis á morgun, en áfram hægviðri og bjartviðri norðan- og austanlands. Frost víða 2 til 10 stig, en sums staðar talsvert kaldara til landsins. Dregur úr frosti sunnantil í nótt og einnig vestanlands á morgun og víða frostlaust þar síðdegis.