Léttskýjað í dag

Veðurhorfur á landinu: Norðlæg átt 5-10 m/s og rigning með köflum norðaustan- og austantil, en annars skýjað með köflum. Vaxandi vindur síðdegis, 8-15 m/s í nótt og víða dálítil rigning, hvassast við suðausturströndina. Dregur smám saman úr vindi á morgun og léttir víða til. Hiti 10 til 18 stig, hlýjast suðvestantil.

Faxaflói: Norðlæg átt 3-8 m/s, hvassari í kvöld og nótt. Léttskýjað í dag, en dálítil væta um tíma í nótt. Léttir til í fyrramálið með bjartviðri eftir hádegi. Hiti 10 til 16 stig í dag, en allt að 20 á morgun.

Veðurhorfur á höfuðborgarsvæðinu: Norðlæg átt, 3-8 m/s og skýjað með köflum. Bætir heldur í vind síðdegis. Lítilsháttar rigning í nótt. Lægir og léttir til á morgun. Hiti 12 til 16 stig að deginum.

Veðurhorfur á landinu næstu daga
Á miðvikudag:
Fremur hæg norðlæg eða breytileg átt. Skýjað norðan- og austantil, en bjartviðri um landið suðvestanvert. Heldur kólnandi, einkum norðantil.

Á fimmtudag:
Hæg austlæg átt. Skýjað með köflum vestantil en smásúld við austur- og suðausturströndina. Hiti 6 til 12 stig.

Á föstudag:
Hægviðri, skýjað að mestu en úrkomulítið. Hiti breytist lítið.

Á laugardag og sunnudag:
Útlit fyrir hæga suðvestlæga átt, súld með köflum vestantil en annars þurrt. Heldur hlýnandi.
Spá gerð: 01.09.2008 08:19. Gildir til: 08.09.2008 12:00.