Léttir til á morgun

Á Garðskagavita voru suðaustan 8 og tæplega 13 stiga hiti klukkan tíu.
Klukkan 6 í morgun var suðlæg átt, víða 3-8 m/s, en hæg breytileg átt á A-landi. Skýjað en þurrt að kalla var á S- og V-landi, en annar víða léttskýjað. Hiti 4 til 18 stig, hlýjast á Seyðisfirði, en kaldast í Skaftafelli.

Veðurhorfur við Faxaflóa til kl. 18 á morgun:
Suðaustan 5-10 m/s. Skýjað og þurrt að mestu. Heldur hægari í nótt og á morgun og léttir heldur til. Hiti 10 til 16 stig.

Veðurhorfur á landinu til kl. 18 á morgun:
Suðaustan 5-10 m/s suðvestantil fram á kvöld, en annars hægari suðlæg átt. Léttskýjað norðan- og austanlands og hiti 12 til 20 stig að deginum. Skýjað suðvestan- og vestanlands, dálítil væta allra vestast, en léttir heldur til á morgun og hiti 10 til 17 stig.