Lét illum látum vegna hamborgara

Lögreglan á Suðurnesjum var kölluð til að hóteli í umdæminu um síðastliðna helgi. Þar lét erlendur ferðamaður öllum illum látum, svo virðist vera að ferðalangurinn hafi verið mjög svangur.

Ferðalangurinn öskrandi í sífellu inni á herbergi sínu að hann vildi fá hamborgara. Jafnframt fylgdi sögunni að búið væri að færa manninum mat en hann vildi greinilega meira, og þá bara hamborgara.

Lögreglumenn fóru á staðinn og ræddu við manninn, sem greinilega var búinn að fá sér í staupinu. Lofaði hann að bíða með hamborgarann þar til að sunnudagsmorgun rynni upp og fara að sofa. Frá þessu er greint á facebook síðu lögreglunnar á Suðurnesjum.