Lenti með veikan farþega og bilaðan hemlabúnað
Læknir var um borð og hlúði að farþeganum.
Flugvél frá Brithish Airways, sem var á leið frá Bandaríkjunum til London fyrir skömmu, þurfti að lenda á Keflavíkurflugvelli með veikan farþega. Læknir var um borð í vélinni og annaðist hann farþegann þar til vélin lenti.
Skömmu eftir lendingu kom í ljós að bilun hafði komið upp í hemlabúnaði flugvélarinnar og þurftu því allir farþegarnir, 280 manns, að yfirgefa hana. Héldu þeir leiðar sinnar með öðrum vélum síðar um daginn til London. Talsvert annríki varð í Flugstöð Leifs Eiríkssonar meðan á þessu stóð.
