Lenda þurfti með veikan farþega
Þrír læknar um borð
Lenda þurfti flugvél, sem var á leið frá Delhi til New York, á Keflavíkurflugvelli í vikunni vegna veikinda farþega. Þrír læknar voru um borð í vélinni og buðu þeir fram aðstoð sína þegar farþeginn veiktist.
Sjúkrabifreið kom á vettvang ásamt lækni frá Heilbrigðisstofnun Suðurnesja. Var maðurinn fluttur á neyðarmóttöku Landspítalans til skoðunar.
Flugvélinni var svo flogið áfram á áfangastað, en veiki farþeginn varð eftir á Íslandi.
