Léku sér með neyðarblys í Rockville

Um klukkan hálf fjögur í nótt tóku lögreglumenn úr Keflavík eftir ljósglæringum í Rockville á Miðnesheiði. Voru þar fimm 14 til 17 ára unglingar að leika sér með neyðarblys. Í bifreið sem unglingarnir voru á fundust tvö neyðarblys til viðbótar og voru þau tekin í vörslu lögreglunnar. Unglingarnir voru færðir á lögreglustöð og loks keyrt til síns heima.