Leitað að leikurum í mynd Clint Eastwoods á Suðurnesjum

Umboðsfyrirtækið Eskimo módels leita af karlmönnum á aldrinum 18 til 40 ára til að leika bandaríska hermenn í bíómynd Clint Eastwoods, Flags of our fathers. Þá er enn fremur leitað að 25 karlmönnum til að fara með hlutverk Japana í myndinni.

Þeir sem hafa áhuga á að vera með í myndinni geta mætt í Frumleikhúsið, Vesturbraut 17, Reykjanesbæ næstkomandi sunnudag klukkan 19 til 21. Einnig er hægt að hafa samband við skrifstofu Eskimo í Reykjavík. Mikilvægt er að viðkomandi hafi hreint sakavottorð.

Tökur verða frá 12. ágúst til 7. september en ekki er nauðsynlegt að vera allan tímann. Ekki fékkst uppgefið hjá Eskimo hver launakjörin væru.