Leita að týndum starfsmönnum Veðurstofunnar við Keili

Björgunarsveitir af Suðurnesjum standa nú fyrir umfangsmikilli leit við Keili þar sem tveir starfsmenn Veðurstofu Íslands eru týndir. Aðstoð er að berast frá höfuðborgarsvæðinu og þá hefur þyrla Landhelgisgæslunnar verið kölluð út.

Veður­stof­an staðfest­ir við mbl.is að um­rætt fólk sé starfs­fólk stofn­un­ar­inn­ar, sem var við rann­sókn­ir á jarðskjálfta­svæðinu. Vís­inda­menn­irn­ir fóru á svæðið í dag til rann­sókna á gasi. Mögu­legt er að þriðji aðili sé einnig týnd­ur að því er greint er frá á vef Morgunblaðsins.

Talið er að fólkið sé ein­hvers staðar í kring­um Keili, þar sem mik­il jarðskjálfta­virkni hef­ur verið um langt skeið og hætta kann að vera á eld­gosi.

Að neðan má sjá streymi úr vefmyndavél Víkurfrétta sem er beint að Keili.