Leiðrétting: Glaðheimar ekki rifnir

Leið mistök urðu í vinnslu fréttar í síðasta tölublaði Víkurfrétta þar sem sagt var frá því að til stæði að rífa samkomuhúsið í Vogum, Glaðheima.

Það er alrangt og er um að kenna misskilningi blaðamanns.

Hið rétta í málinu er að húsið mun standa óhaggað um ókomna tíð, þó að vissulega verði almennt skemmtanahald með því sniði sem verið hefur í Glaðheimum undanfarna áratugi lagt af.

Mun frístundaskóli og félagsmiðstöð unglinga í Vatnsleysustrandarhreppi flytja í húsið tímabundið þar til þeirri starfsemi verður fundinn varanlegur staður í væntanlegri viðbyggingu við Íþróttamiðstöðina í Vogum.

Núverandi húsnæði félagsmiðstöðvarinnar, gamla bensínstöðin, verður hins vegar rifin til að rýma fyrir nýju fjölbýlishúsi.

Víkurfréttir biðjast velvirðingar á mistökunum hér með og vona að þau hafi ekki valdið neinum óþarfa hugarangri.