Laufey forseti bæjarstjórnar Garðs

Laufey Erlendsdóttir er forseti bæjarstjórnar Garðs. Þetta var samþykkt með fjórum atkvæðum N-listans á fyrsta fundi nýrrar bæjarstjórnar í gær. Arnar Sigurjónsson er 1. varaforseti og Brynja Kristjánsdóttir er 2. varaforseti. Þetta var samþykkt með fjórum atkvæðum N-listans, en F-listinn sat hjá við atkvæðagreiðslurnar.

Einnig voru kosnir tveir skrifarar og tveir til vara. N-listinn leggur til að bæjarstjórn samþykki að Brynja Kristjánsdóttir verði skrifari. F-listinn leggur til að Einar Jón Pálsson verði skrifari. N-listinn leggur til að bæjarstjórn samþykki að Arnar Sigurjónsson verði varaskrifari og fulltrúar F-listans leggja til að Ágústa Ásgeirsdóttir verði varaskrifari. Það var samþykkt samhljóða.