Landsbankinn tekur við SPKEF á mánudagsmorgun

NBI hf. (Landsbanki Íslands) tekur í einu lagi frá og með mánudeginum 7. mars nk. við rekstri, eignum og skuldbindingum Spkef sparisjóðs, samkvæmt samningi milli íslenska ríkisins og NBI hf. um yfirtöku NBI hf. á Spkef sparisjóði, dagsett þann 5. mars sl.

Um er að ræða samruna án skuldaskila þannig að Spkef sparisjóður er algerlega sameinaður NBI hf. með yfirtöku eigna og skulda (samruni með yfirtöku). Ekki er þörf á innköllun eða auglýsingu vegna samrunans, segir í ákvörðun Fjármálaeftirlitsins.

Uppsetning sameiginlegs efnahags- og rekstrarreiknings skal miða við 1. janúar 2011, sem telst vera uppgjörsdagur samrunans samkvæmt áðurgreindum samningi. Spkef sparisjóði telst slitið frá og með mánudeginum 7. mars 2011 kl. 08:30. Ekki er skilt að gefa út innköllun til lánardrottna vegna þeirra slita. Engin vanefndaúrræði viðsemjenda skulu tala gildi sem afleiðing af ákvörðun þessari, segir jafnframt í tilkynningu Fjármálaeftirlitsins.