Landhelgisgæsluna og innanlandsflug til Suðurnesja
Regnbogakappar á ferð um Suðurnesin.
Efstu frambjóðendur Regnbogans eru bjartsýnir á komandi kosningar þrátt fyrir að framboðið hafi ekki komið vel út í skoðanakönnunum að undanförnu. Þeir voru á yfirreið vegna komandi kosninga á Suðurnesjum í dag.
Bjarni Harðarson fyrrverandi bókasali, rithöfundur og þingmaður er í efsta sæti en Suðurnesjamaðurinn Guðmundur S. Brynjólfsson, rithöfundur og djákni er í 2. sæti. Hann þekkir vel til á svæðinu og segir að þeir kappar hafi fengið góðar viðtökur þar sem þeir hafi komið við. Þeir kappar segja að atvinnumálin séu mál málanna á Suðurnesjum, klára þurfi álver en einnig að horfa til annarra kosta í þeim efnum. Guðmundur hefur í greinum bent á ýmsa möguleika fyrir svæðið eins og að flytja Landhelgisgæsluna og innanlandsflugið til Keflavíkurflugvallar. „Við sjáum að öll eru þessi mál innan seilingar – ef menn taka sig til og fara að stjórna og hætta að láta sérhlífna embættismenn „bullshita í sér,“ sagði Guðmundur.
