Landgangur gaf sig í Vogahöfn

Í óveðrinu sem gekk yfir landið sl. miðvikudag gaf landgangur sig við flotbryggju í Vogahöfn. Hvorki bátar né flotbryggjan voru í hættu, reiknað er með að viðgerð hefjist nú þegar og gert ráð fyrir að búið verði að koma bryggjunni fyrir á sínum stað ásamt því að tengja landganginn að nýju fljótlega.

Þeir sem eiga leið um Vogahöfn eru beðnir að sýna aðgætni og varúð, þar til viðgerð hefur farið fram.