Kynna sameiningarmöguleika Garðs og Sandgerðis í kvöld

Íbúar í Garði hafa verið boðaðir til fundar í kvöld þar sem kynning á hugmyndum um sameiningu stjórnsýslunnar í Garði og Sandgerði fer fram og á þeirri framtíðarsýn sem sem lagt er upp með. Fundurinn í Garði verður í Miðgarði, sal Gerðaskóla, og stendur frá kl. 19:30 til 21:30.

 

Dagskrá:

1. Hvers vegna skyldu kostir og gallar við sameiningu bæjarfélaganna Garðs og Sandgerðis kannaðir?  

2. Framtíðin – mögulegar sviðsmyndir kynntar.

3. Framtíðaráherslur – hver er sýn íbúa?

 

Sama fundarefni verður svo á morgun, fimmtudag, í Sandgerði. Þá verður fundur í Vörðunni kl. 17:00 til 19:00.

 

Fundirnir eru öllum opnir og íbúar sveitarfélaganna eru velkomnir á hvorn fundinn sem er.