Kynna fjárhag sveitarfélagsins fyrir bæjarbúum
– og uppbyggingu ferðaþjónustu á Garðskaga
Bæjarráð Sveitarfélagsins Garðs hefur ákveðið að boða til íbúafundar í Garði á mánudagskvöld. Fundurinn verður til kynningar á fjárhagsáætlun og fjárhag sveitarfélagsins.
Á fundinum verður einnig kynnt uppbygging á ferðaþjónustu á Garðskaga og drög að samningi á milli Sveitarfélagsins Garðs og Garðskaga ehf. um uppbyggingu ferðaþjónustu og afnot af eignum sveitarfélagsins á Garðskaga.
