Kviknaði í málningu

Eldur í togaranum Haraldi Böðvarssyni í slippnum í Njarðvík eru talinn hafa komið vegna vinnu með mikinn hita aftast í skipinu en verið er að skipta um afturenda þess. Einn starfsmanna skipasmíðastöðvarinnar sagði að kviknað hefði í málningu innan við eitt þilið og eldurinn síðan breiðst út. Þar fyrir innan er geymsla með netum og fleirum og festist einnig eldur í því .
Sigmundur Eyþórsson, slökkvistjóri sagði að litlu hefði mátt muna að illa hefði geta farið því það hefði verið mikill eldur og hiti í geymslunni. Aðliggjandi er vélarúm og ekki er gott að segja hvað hefði gerst ef eldurinn hefði náð þangað.
Ljóst er að tjón er nokkuð en eins og fyrr segir hefur staðið yfir vinna við afturenda skipsins að undanförnu. Ljóst er að tjón er nokkuð en eins og fyrr segir hefur staðið yfir vinna við afturenda skipsins að undanförnu.
Mikill reykur lagði út frá þessari hæstu byggingu á Suðurnesjum en vindátt stendur frá austri og lagði reyk yfir bæinn en engin hætta var þó á ferðum þar sem eldurinn var einangraður aftast í skipinu. Brunastarfi er nánast lokið.