Kviknað í Brautarnesti
-verulegar skemmdir urðu á húsnæðinu
Eldur kviknaði í söluturninum Brautarnesti við Hringbraut fyrr í kvöld.
Að sögn Jóns Guðlaugssonar slökkviliðsstjóra Brunavarna Suðurnesja kom útkall vegna elds kl. 20:22 og var búið að slökkva eld tíu mínútur í níu í kvöld. Mikill eldur var í byggingunni þegar slökkvliðið kom á staðinn og svartur reykur.
Slökkviliði er enn að vinna í glæðum en ljóst er að verulegar skemmdir urðu á húsnæðinu.
