Kvennasveitin Dagbjörg stofnuð

Kvennasveitin Dagbjörg var stofnuð á föstudaginn í Reykjanesbæ á fjölmennum félagsfundi. 40 vaskar konur eru fullgildir félagar sveitarinnar ásamt 20 styrktarkonum. Tilgangur kvennasveitarinnar er að vera bakhjarl Björgunarsveitar Suðurnes ásamt því að vinna að slysavörnum. Segja má að björgunarsveitin hafi fengið kvennasveitina í afmælisgjöf en hún var stofnuð á 10 ára afmæli hennar.

Myndin: Stjórn sveitarinnar. Heiðdís Búadóttir ritari, Auður Sigurðardóttir formaður, Kristbjörg Guðmundsdóttir varaformaður, Anna B. Jameson meðstjórnandi, Lilja Siguðardóttir varamaður, Erla Sigurðardóttir varamaður og Valgerður Sigurvinsdóttir gjaldkeri.