Kvartað undan hávaða frá hljómsveit

Kvartað var undan hávaða frá hljómsveit í Njarðvík í gærkvöldi en hljómsveitin var með æfingu. Segir í dagbók lögreglunnar að hljómsveitin hafi hætt spilamennsku þegar lögregla kom á staðinn.
Óskað var eftir lögreglu að Stapa í Njarðvík, þar sem busaball Fjölbrautaskóla Suðurnesja stóð yfir. Aðili sem var undir áhrifum áfengis fékk ekki inngöngu og var ósáttur með það, en lögreglan þurfti ekki að grípa til neinna aðgerða. Einn ökumaður var tekinn í nótt grunaður um ölvunarakstur.