Kvartað undan amoníakslykt

Töluvert var hringt til lögreglunnar á Suðurnesjum í gærkvöldi og kvartað undan hugsanlegri amoníakslykt, sem kæmi frá Fitjum í Njarðvík.  Við nánari skoðun lögreglu kom í ljós að lyktin kom frá losunarsvæði á Fitjabakka,  en þar er losað álgjall í miklu mæli á svæðinu.  Þegar álgjallið kemst í snertingu við sjó verða efnahvörf í álinu og myndast við það gufur og lykt, sem minnir á amoníak.  Haft var samband við Brunavarnir Suðurnesja og þeim tilkynnt um málið. Leyfi er fyrir því að losa þarna álgjall.