Kútur sprakk í loft upp

Vinnuslys varð við sundmiðstöðina við Sunnubraut í Keflavík rétt eftir hádegi sl. föstudag. Slysið átti sér stað með þeim hætti að maður sem var að fylla vatn á stóran kút, fékk kútlokið í andlitið þar sem kúturinn var undir miklu þrýstingi og sprakk. Maðurinn var fluttur á Heilbrigðisstofnun Suðurnesja til skoðunar. Hann var með meðvitund en ekki er vitað nánar um áverka.