Kuldaboli í Keflavík

Það hefur verið sannkallað gluggaveður í Reykjanesbæ í dag. Sól í heiði og bjartur himinn en úti hrollkalt og þar þarf að klæða sig vel. Á morgun mun hlýna aðeins og hiti vera nálægt frostmarki en búast má við éljum.
Á hádegi í dag var norðvestan 8-15 m/s norðaustan- og austanlands, en hægari norðaustlæg átt annars staðar. Dálítil él norðan- og norðaustanlands, en en léttskýjað syðra. Frost var 1 til 10 stig, hlýjast á Vatnsskarðshólum.
Við vesturströnd Noregs er víðáttumikil 973 mb lægð sem þokast austur og grynnist, en yfir austurhluta Grænlands er 1036 mb hæð. Langt suður í hafi er 1037 mb hæð.
Veðurhorfur á landinu til kl.18 á morgun: Norðlæg átt, 10-15 m/s við austurströndina, en annars hægari. Lægir smám saman síðdegis. Smáél norðan- og norðaustanlands, en víða léttskýjað í öðrum landshlutum. Fremur hæg norðlæg eða breytileg átt og dálítil él á morgun, en léttskýjað suðaustanlands. Hvessir síðdegis á morgun. Frost 4 til 15 stig, kaldast inn til landsins, en nálægt frostmarki við vesturströndina í nótt og á morgun.
Veðurhorfur við Faxaflóa til kl. 18 á morgun: Norðaustan 5-10 m/s og léttskýjað, en lægir síðdegis. Hæg vestlæg átt og skýjað með köflum í nótt, en dálítil él á morgun. Frost 4 til 14 stig, kaldast í uppsveitum, en hiti nálægt frostmarki á morgun.