Krefst þess að eldisleyfi Silungs ehf. verði afturkallað þegar í stað
Óttar Yngvason hæstaréttarlögmaður hefur fyrir hönd eigenda Haffjarðarár gert alvarlegar athugasemdir við staðsetningu fiskeldisstöðvar Silungs ehf. við Vogastapa í Vogum og sömuleiðis það að eigendur stöðvarinnar hafa flutt þrjár af sex flotkvíum stöðvarinnar í Helguvíkurhöfn. InterSeafood.com greindi frá.
Í bréfi dagsettu 26. janúar sl., sem Óttar hefur ritað eftirlitsnefnd með sjókvíaeldi Silungs ehf. og stílað er á Sigurð Guðjónsson formann nefndarinnar, segir m.a.:
,,Að undanförnu hafa þrjár kvíar af sex verið staðsettar í Helguvíkurhöfn en ekki undir Vogastapa. Ekki verður séð af leyfisbréfi Silungs ehf. að heimild sé til þessa flutnings eldisstöðvarinnar inn í stærstu olíuhöfn landsins. Þá er yfirvofandi stórkostlegt mengunarslys
vegna stoklaxa, verði hið minnsta óhapp við kvíarnar, enda eru þær staðsettar á siglingarleið skipa inn í höfnina, ómerktar og án aðvörunarljósa. Loks er ekki úr vegi að athuga að þetta matfiskeldi er nú komið í næsta nágrenni aðalholræsa Keflavíkur og nágrennis.”
Í bréfi sínu segir Óttar ennfremur að sjókvíaeldið sé óheimilt á tímabilinu frá 1. janúar til 31. mars sbr. lokaákvæði leyfisbréfs frá 28. apríl í fyrra. Í kvíunum þremur sé væntanlega ennþá helmingur þess norska laxs, sem lagt var upp með frá Vogunum, eða jafnvel 60 til 70 þúsund fiskar. Óttar bendir á að þetta sé meira en tvöfaldur sá fjöldi sem veiddist í öllum ám landsins á sl. ári. Nú fari í hönd sá tími að óðum styttist í venjulegan göngutíma villtra laxa og það sé skilyrðislaus krafa að kvíarnar verði tæmdar nú þegar. Þar sem rekstraraðili hafi margbrotið skilmála leyfisbréfsins er þess jafnframt krafist að leyfi til rekstursins verði afturkallað þegar í stað.
Í bréfi dagsettu 26. janúar sl., sem Óttar hefur ritað eftirlitsnefnd með sjókvíaeldi Silungs ehf. og stílað er á Sigurð Guðjónsson formann nefndarinnar, segir m.a.:
,,Að undanförnu hafa þrjár kvíar af sex verið staðsettar í Helguvíkurhöfn en ekki undir Vogastapa. Ekki verður séð af leyfisbréfi Silungs ehf. að heimild sé til þessa flutnings eldisstöðvarinnar inn í stærstu olíuhöfn landsins. Þá er yfirvofandi stórkostlegt mengunarslys
vegna stoklaxa, verði hið minnsta óhapp við kvíarnar, enda eru þær staðsettar á siglingarleið skipa inn í höfnina, ómerktar og án aðvörunarljósa. Loks er ekki úr vegi að athuga að þetta matfiskeldi er nú komið í næsta nágrenni aðalholræsa Keflavíkur og nágrennis.”
Í bréfi sínu segir Óttar ennfremur að sjókvíaeldið sé óheimilt á tímabilinu frá 1. janúar til 31. mars sbr. lokaákvæði leyfisbréfs frá 28. apríl í fyrra. Í kvíunum þremur sé væntanlega ennþá helmingur þess norska laxs, sem lagt var upp með frá Vogunum, eða jafnvel 60 til 70 þúsund fiskar. Óttar bendir á að þetta sé meira en tvöfaldur sá fjöldi sem veiddist í öllum ám landsins á sl. ári. Nú fari í hönd sá tími að óðum styttist í venjulegan göngutíma villtra laxa og það sé skilyrðislaus krafa að kvíarnar verði tæmdar nú þegar. Þar sem rekstraraðili hafi margbrotið skilmála leyfisbréfsins er þess jafnframt krafist að leyfi til rekstursins verði afturkallað þegar í stað.
