Kostaði 2 milljónir að ráða skólastjóra

Það fylgir því töluverður kostnaður fyrir sveitarfélög að skipta um stjórnendur. Það kostaði Sveitarfélagið Garð t.a.m. rúmar tvær milljónir að ráða skólastjóra og aðstoðarskólastjóra Gerðaskóla í byrjun sumars.

Þetta kemur fram í gögnum bæjarráðs Garðs frá því í júlí en þá voru teknar fyrir tvær breytingar á fjárhagsáætlun ársins 2015.

 

Kostnaður vegna ráðningar skólastjóra og aðstoðarskólastjóra Gerðaskóla var 2.031.000 kr. Hann mun þó ekki hafa áhrif á rekstrarniðurstöðu fjárhagsáætlunar sveitarfélagsins.