Kosovomenn útskrifaðir frá Keflavíkurflugvelli

Þann 24. maí  - 27. maí s.l. hélt Flugmálastjórn Keflavíkurflugvelli námskeið í akstri á flugvallarsvæðum fyrir tvo aðila frá Pristinaflugvelli Kosovo. Markmið námskeiðisins var að þeir gætu að loknu námskeiðinu tekið að sér kennslu í flugvallarakstri á Pristinaflugvelli. Þeim voru síðan afhent kennslugögn til að nota við kennsluna.

Mennirnir voru sendir til Keflavíkurflugvallar að frumkvæði Fróða Jónssonar, slökkviliðsstjóra á Pristinaflugvell og er það liður í uppbyggingarstarfi Íslands í Kosovo.

Mennirnir sem um var að ræða heita Driton Ademaj og Burim Begu.

Voru það Kjartan Halldórsson flugumferðarstjóri og Helgi Haraldsson, aðalvarðstjóri öryggissviðs sem sáu um kennsluna.

Stefán Thordersen, forstöðumaður öryggissviðs, afhenti mönnum viðurkenningarskjal eftir námskeiðið.