Kona sló aðra í höfuðið með áfengisflösku

Á föstudagskvöldinu kl. 22:35 hafði lögreglan afskipti af tveim unglingspiltum 14 og 15 ára sem höfðu verið með háreisti og læti við verslun á Hringbraut í Keflavík. Þeir voru undir áhrifum áfengis og voru teknir af þeim sex bjórar sem þeir höfðu í fórum sínum. Þeim var ekið á lögreglustöð og síðan til síns heima. Skömmu síðar var tilkynnt um ölvaða unglinga við Hólmgarð í Keflavík. Þarna var reyndar aðeins einn mikið ölvaður 13 á ára drengur veikur af áfengisdrykkju. Hann var færður á lögrelgustöð þar sem faðir drengsins náði í hann. Lagt var hald á áfengispela sem drengurinn hafði meðferðis.Kl. 01:08 var 17 ára stúlku vísað út af veitingastað í Keflavík sökum ungs aldurs.

Kl. 01:45 hafði lögreglan afskipti af tveim 15 ára stúlkum vegna útivistarbrots og þegar lögreglan kom að kastaði önnur stúlkan frá sér bjórflösku. Stúlkunum var ekið heim og rætt var við foreldra.

KL. 02:00 hafði lögreglan afskipti af tveim drengjum við Hólmgarð í Keflavík vegna útivistarbrota, 14 og 15 ára gömlum. Annar hljóp af vettvangi en þekktist og haft var samband við foreldra vegna þessa. Hinn var færður til lögreglustöðvar þar sem móðir hans náði í hann.

Kl. 02:30 stöðvaði lögregaln bifreið á Reykjanesbraut og kom í ljðs að ökumaðurinn var að aka án ökuréttinda.

Kl. 04:06 stöðvaði lögreglan bifreið á Reykjanesbraut. Í bifreiðinni voru tveir 18 ára gamlir piltar og sá lögreglan áhöld til fíkniefnaneyslu í bifreiðinni. Við frekari leit fundust fíkniefnaleyfar í álpappír. Drengirnir viðurkenndu að hafa keypt eitt gramm af kannabis deginum áður.

Laugardagskvöld og aðfaranótt sunnudagsins

Á laugardagskvöldinu Kl. 21:56 hafði lögreglan afskipti af tveim 12 ára piltum á gangi í Garðbraut í Garði. Þeim, var ekið til síns heima og rætt við foreldrana.

Kl. 02:07 tilkynntu lögreglumenn að þeir væru á eftir 16 ára dreng sem hafði brotið rúðu í fyrirtæki á Hafnargötu í Keflavík. Lögreglan handtók piltinn og sökum þess að hann var ölvaður, ætstur og óviðræðuhæfur var hann hann geymdur í fangaklefa þar til aðstandendur náðu í hann rúmum klukkutíma síðar.

Mikil ölvun var í bænum um helgina og annasamt hjá lögreglunni eins og þessar fréttir bera með sér. M.a. voru útköll á veitingahúsin vegna ölvunar og óláta og í einu tilvikinu voru tveir kvenmenn ósáttar og hafði önnur slegið hina í höfuðið með flösku þannig að af hlaust skurður á augabrún.