Klæðalítil hörkutól á Hafnargötunni

Þeir eru klæðalitlir þessa stundina starfsmenn Nesprýði sem vinna að því að helluleggja Hafnargötuna framan við símstöðina. Það er sól í heiði og hitinn um það bil 15 stig. Gatan er lokuð frá símstöðinni og að horninu við Skólaveg en nú hafa starfsmenn Nesprýði hellulagt sjálfa götuna og hefjast nú handa við að leggja gangstétt beggja vegna götunnar. Framkvæmdum við alla götuna lýkur fyrir ljósanótt en þá hefur hún verið hellulögð og malbikuð frá DUUS-húsum og upp að horninu við Faxabraut.  VF-mynd: Hilmar Bragi Bárðarson