Kjartan Þór Eiríksson: Framkvæmdastjóri Þróunarfélags Keflavíkurflugvallar

Kjartan Þór Eiríksson hefur verið ráðinn framkvæmdastjóri Þróunarfélags Keflavíkurflugvallar.
 
Kjartan er stúdent af hagfræðibraut Fjölbrautaskóla Suðurnesja vorið1998. Hann brautskráðist frá Háskóla Íslands í október 2005 með BS gráðu í viðskiptafræði.
 
Verkefni Kjartans snúast fyrst og fremst  að þróun og umbreytingu á því svæði og eignum sem koma á í arðbær borgaraleg not á Keflavíkurflugvelli. Um er að ræða um 2000 íbúðir auk þjónustubygginga af margvíslegu tagi. Í því felst m.a. umsjón með hreinsun og niðurrifi bygginga ásamt nauðsynlegri undirbúningsvinnu, s.s. úttekt á svæðinu og á þróunar- og vaxtarmöguleikum sem í því felast og samráð við aðila sem þar hafa hagsmuna að gæta.
 
Áður en Kjartan tók við framkvæmdastjórastöðu Þróunarfélags Keflavíkurflugvallar starfaði hann hjá ÍAV Þjónustu sem verkefnastjóri innkaupa, auk þess sem hann sinnti kynningarmálum, samskiptum við undirverktaka og sá um stærri verksamninga fyrirtækisins.
 
Kjartan er fæddur árið 1972. Hann er kvæntur Ingu Sif Stefánsdóttur og eiga þau einn son.