Kjartan Már móti stefnu Reykjanesbæjar í flokkun sorps
Árni Sigfússon, bæjarstjóri í Reykjanesbæ, hefur svarað fyrirspurn Kjartans Más Kjartanssonar, bæjarfulltrúa Framsóknarflokks, um stefnu bæjarstjórnar Reykjanesbæjar við flokkun sorps í sveitarfélaginu. Í svari Árna kemur fram að fyrirspyrjandi, sem formaður verkefnisstjórnarinnar, eigi ekki að þurfa að spyrja um stefnu, sem hann á sjálfur að hafa frumkvæði um að setja.Í svari bæjarstjóra segir: „Bæjarstjórn hefur samþykkt að taka þátt í svonefndri Staðardagskrá 21, sem er samstarfsverkefni sveitarfélaga og Umhverfisráðuneytis. Skipaður var starfshópur Staðardagskrár árið 1999 og var einmitt fyrirspyrjandi gerður að formanni starfshópsins. Hann er það enn. Verkefnisstjórn hefur það hlutverk að stuðla að stefnumótun sveitarfélags í umhverfismálum og stuðla að framkvæmd hennar. Því ætti fyrirspyrjandi, sem formaður verkefnisstjórnarinnar, ekki að þurfa að spyrja um stefnu, sem hann á sjálfur að hafa frumkvæði um að setja.
Til upplýsinga skal þess þó getið að Sorpeyðingarstöð Suðurnesja annast alla sorphirðu og meðhöndlun úrgangs í Reykjanesbæ. Stjórn Sorpeyðingarstöðvarinnar fer með stjórn sorphirðu og förgun úrgangs, undir eftirliti Heilbrigðiseftirlits Suðurnesja. Umhverfisráðuneytið staðfestir þær samþykktir sem fjalla um sorphirðu og meðhöndlun úrgangs og er samþykkt um þetta mál til staðfestingar hjá ráðuneytinu.
Í 2. kafla 3. gr. tillögu að samþykkt, segir m.a. "Sorp skal hirt með reglulegum hætti frá íbúðarhúsum. Stjórn Sorpeyðingarstöðvar Suðurnesja ákveður, að höfðu samráði við Heilbrigðiseftirlit Suðurnesja, hvaða ílát og hvaða aðferðir skuli nota til sorpsöfnunar og sorphirðu."
Í 5.gr. segir um notkun sorpíláta: "Óheimilt er að láta garðúrgang, jarðefni og grjót í sorpílátin. Jarðefnum, þar með töldu grjóti eða múrbroti, skal komið fyrir á sértilgreindum móttökustað í viðkomandi bæjarfélagi. Spilliefnum, hættulegum úrgangi og öllum endurvinnanlegum úrgangi skal skilað aðgreindum til móttökustöðvar Sorpeyðingarstöðvar Suðurnesja".
Staðfesti Umhverfisráðuneytið samþykkt þessa, sem heilbrigðiseftirlit Suðurnesja mun hafa yfirfarið og samþykkt fyrir sitt leyti, verða þetta þær reglur sem gilda um flokkun sorps í Reykjanesbæ, nema bæjarstjórn óski eftir annarri meðferð, sem þá þarf að ræða við stjórn Sorpeyðingarstöðvarinnar“.
Til upplýsinga skal þess þó getið að Sorpeyðingarstöð Suðurnesja annast alla sorphirðu og meðhöndlun úrgangs í Reykjanesbæ. Stjórn Sorpeyðingarstöðvarinnar fer með stjórn sorphirðu og förgun úrgangs, undir eftirliti Heilbrigðiseftirlits Suðurnesja. Umhverfisráðuneytið staðfestir þær samþykktir sem fjalla um sorphirðu og meðhöndlun úrgangs og er samþykkt um þetta mál til staðfestingar hjá ráðuneytinu.
Í 2. kafla 3. gr. tillögu að samþykkt, segir m.a. "Sorp skal hirt með reglulegum hætti frá íbúðarhúsum. Stjórn Sorpeyðingarstöðvar Suðurnesja ákveður, að höfðu samráði við Heilbrigðiseftirlit Suðurnesja, hvaða ílát og hvaða aðferðir skuli nota til sorpsöfnunar og sorphirðu."
Í 5.gr. segir um notkun sorpíláta: "Óheimilt er að láta garðúrgang, jarðefni og grjót í sorpílátin. Jarðefnum, þar með töldu grjóti eða múrbroti, skal komið fyrir á sértilgreindum móttökustað í viðkomandi bæjarfélagi. Spilliefnum, hættulegum úrgangi og öllum endurvinnanlegum úrgangi skal skilað aðgreindum til móttökustöðvar Sorpeyðingarstöðvar Suðurnesja".
Staðfesti Umhverfisráðuneytið samþykkt þessa, sem heilbrigðiseftirlit Suðurnesja mun hafa yfirfarið og samþykkt fyrir sitt leyti, verða þetta þær reglur sem gilda um flokkun sorps í Reykjanesbæ, nema bæjarstjórn óski eftir annarri meðferð, sem þá þarf að ræða við stjórn Sorpeyðingarstöðvarinnar“.
