Kísilverksmiðja Thorsil í Helguvík heldur starfsleyfinu

Úrskurðarnefnd umhverfis- og auðlindamála hafnaði í vikunni kröfu Náttúruverndarsamtaka Suðvesturlands, Landverndar, landgræðslu- og umhverfisverndarsamtökum Íslands og Ellerts Grétarssonar áhugaljósmyndara um ógildingu starfsleyfis kísilverksmiðju Thorsil í Helguvík. Thorsil ehf. áætlar að reisa kísilverksmiðju í Helguvík á lóð við hliðina á kísilverksmiðju United Silicon. Þar áætlar Thorsil að framleiða 110.000 tonn af kísilmálmi á ári í fjórum ljósbogaofnum.

Thorsil ehf. fékk fyrst starfsleyfi árið 2015 og var það fellt úr gildi af úrskurðarnefnd umhverfis- og auðlindamála í október 2016 vegna ágalla á auglýsingu um veitingu þess. Nýtt leyfi frá Umhverfisstofnun var svo gefið út í febrúar síðastliðnum.

Útskurðarnefndin telur að ekki eigi að ógilda starfs­leyfið í þetta skipti, en í kær­unni var meðal ann­ars sagt að um­hverf­is­mati væri ábóta­vant með til­liti til sam­virkra áhrifa verk­smiðjunn­ar, öfl­un­ar orku og flutn­ings henn­ar á svæðið. Einnig væri leyfið gefið út fyr­ir helm­ingi stærri verk­smiðju en ívilnana­samn­ing­ur rík­is­ins við Thorsil hljóðaði upp á.

Í niður­stöðu úr­sk­urðar­nefnd­ar­inn­ar seg­ir að ekki verði talið að í leyf­is­veit­ing­unni séu þeir form- eða efn­is­ann­mark­ar sem geti valdið ógild­ingu. Var kröfu kær­enda því hafnað.