Kirkjugarðurinn í Grindavík stækkaður

Bæjarráð Grindavíkur hefur samþykkt samning við Sóknarnefnd um stækkun kirkjugarðsins að Stað. Bæjarráð samþykkti að veita 7,3 milljónum til verkefnisins og greiðist féð út á þessu ári og því næsta.Það er lögbundið hlutverk sveitafélaga að sjá kirkjugörðum fyrir greftrarhæfu landi og að sjá um að aðkoman að görðunum sé góð. Gamli kirkjugarðurinn að stað stendur á hrauni og því þarf að flytja jarðveg þangað til að hægt sé að stækka garðinn. Bæjarráð hefur samþykkt samninginn eins og áður sagði og leggur til að bæjarstjórn samþykki hann.