Kennir Bruce Lee stílinn

Tim Tackett er þekktur bardagakennari frá Bandaríkjunum sem er hingað kominn til að halda námskeið um jeet kune do. Jeet kune do er bardagastíll sem hinn frægi Bruce Lee setti saman og notaði í myndum sínum.
Jeet kune do er ólíkt öðrum bardagagreinum að því leyti að listin snýst ekki um neina fasta tækni. Í henni koma saman wing chun sem er grunnstíllinn í jeet kune do, vestrænir hnefaleikar og vestrænar skylmingar auk þess sem spörk eru byggð á sparktækni frá Kína og Frakklandi. Þorgeir Axelsson og Hilmar Guðsteinsson hafa haft umsjón með komu kappans en þeir lærðu jeet kune do hjá honum fyrir 20 árum. Mikill áhugi hefur verið fyrir jeet kune do á Íslandi og margir hafa reynt að kenna listina með aðstoð kvikmynda Bruce Lee. Tim ákvað að koma til landsins og kenna Íslendingum réttan stíl bardagalistarinnar frá löggiltum kennara og býður því upp á þetta námskeið nú. Námskeiðið kostar 12000, en kennarar námskeiða á vegum samtaka Tims, Bruce Lee educational fundation taka enga greiðslu fyrir kennsluna. Hinsvegar þarf að greiða fargjöld og uppihald og annað sem til fellur. Eins og fyrr segir verður námskeiðið haldið 19. og 20. maí nk. í íþróttahúsinu við Myllubakkaskóla. Allar nánari upplýsingar og skráning er í síma 861-3211 (Þorgeir) Nauðsynlegt er að tilkynna þátttöku. Áformað er að halda námskeið í jeet kune do næsta haust í Studíó Huldu.
Tim Tackett, kennari í Jeet kune do er kominn til landsins til þess að halda námskeið. Námskeiðið fer fram í íþróttahúsinu við Myllubakkaskóla um helgina.
Tim Tackett er þekktur bardagalistarkennari í Bandaríkjunum og kynntist judo árið 1954, þá 13 ára gamall og hefur verið viðloðandi bardaglist síðan þá. Árið 1962 kynntist hann mörgum gerðum kung fu þegar hann var í Tævan með flugher Bandaríkjamanna. Stuttu seinna varð hann þess heiður aðnjótandi að verða fyrsti kung fu kennari í Bandaríkjunum sem var ekki að kínverskum uppruna. Meðan hann var við nám kenndi hann kung fu til að framfleyta sér. Árið 1967 sá Tim Bruce Lee sýna bardagalistina, Jeet kune do. „Mig langaði mikið til að læra hjá honum en hafði ekki tíma vegna námsins og kennslunnar. Ég hét því þá að þegar ég hafði lokið námi myndi ég læra jeet kune do. Tim starfaði síðan sem leiklistarkennari við framhaldsskóla og æfði um leið jeet kune do. Um það leyti var Bruce Lee að gera fyrstu kvikmynd sína í Hong Kong og hafði lokað skólanum sem hann rak í Los Angeles. Dan Inosanto, nemandi Bruce stofanði þá sinn eigin skóla í bakgarðinum heima hjá sér. Þar hóf Tim æfingar í jeet kune do.
Eftir lát Bruce Lee fékk Tim leyfi til að kenna listina. Hann stofnaði skóla í bílskúrnum heima hjá sér og ákvað í sameiningu við aðra jeet kune do þjálfara að nota kunnáttu sína ekki til þess að græða peninga. Í skólanum eru átta leiðbeinendur, einn þeirra, Bob Bremer lærði hjá sjálfum meistaranum, Bruce Lee. Síðan Tim fór á eftirlaun á síðasta ári hefur hann haldið námskeið í Evrópu og Ameríku auk þess sem hann hefur skrifað bækur um kung fu.
Fyrir nokkrum árum voru stofnuð samtök um jeet kune do sem bera nafnið Bruce Lee educational fundation. Lind, eiginkona Bruce var ein af stofnendum samtakanna en henni fannst mikill ruglingur vera kominn í kringum listina og margir sem vissu ekkert um bardagalistina tóku að sér kennslu í henni. Stofnendur samtakanna voru samtals 18 og ákváðu að kalla listina Jun Fan/jeet kune do. Á hverju ári er haldið námskeið sem er fjáröflun fyrir samtökin. Kennarar á námskeiðunum taka enga borgun fyrir en peningarnir renna til samtakanna.