Kennarar í FS styðja grunnskólakennara

Kennarafélag Fjölbrautaskóla Suðurnesja sendi í dag frá sér yfirlýsingu og lýsti yfir stuðningi við kjarabaráttáttu grunnskólakennara. Félagið krefst þess að grunnskólakennarar fái laun í samræmi við menntun og ábyrgð.

Yfirlýsingin er eftirfarandi:

Kennarafélag Fjölbrautaskóla Suðurnesja lýsir yfir stuðningi við grunnskólakennara í kjarabaráttu þeirra. Grunnskólakennarar eru einn mikilvægasti hlekkurinn í hverju skólasamfélagi og skólasamfélagið einn mikilvægasti hlekkurinn í hverju samfélagi.  Kennarafélag Fjölbrautaskóla Suðurnesja krefst þess að grunnskólakennarar fái laun í samræmi við menntun og ábyrgð. Börn og ungmenni í landinu eiga skilið að hljóta faglega og góða menntun og þar eru grunnskólakennarar í aðalhlutverki.
 
 
Atli Þorsteinsson
formaður Kennarafélags Fjölbrautaskóla Suðurnesja