Keilir miðlar þekkingu um vendinám
- Taka þátt í Erasmus+ verkefni til tveggja ára
Keilir tekur þátt í nýju verkefni sem gengur út á að miðla reynslu og þekkingu á vendinámi í Evrópu. Verkefnið er til tveggja ára og er styrkt af Erasmus+ Menntaáætlun Evrópusambandsins.
Verkefnið kallast INTEMIS - Innovative Teaching Method for an Inclusive School og hófst í ágúst 2016. Það gengur út á að fræða kennara í starfsmenntaskólum um nýjungar í kennsluháttum, þar á meðal vendinámi til að draga úr brottfalli, auka gæði í kennslu og innleiða nýjar aðferðir sem taka mið af upplýsingatækni og tölvum í skólastarfi.
Skólinn sem sótti um verkefnið er IIS Leonardo da Vinci starfsmenntaskólinn á Sikiley á Ítalíu. Aðrir samstarfsskólar, auk Keilis, eru í Danmörku, Ítalíu, Spáni og Grikklandi. Hlutverk Keilis í verkefninu verður að stýra tveimur fimm daga vinnustofum fyrir kennara á Spáni, Ítalíu og Grikklandi um innleiðingu og notkun vendináms við kennslu.
