Keflvískur sigur í Herra Ísland 2005
Ólafur Geir Jónsson, tvítugur Keflvíkingur, var í kvöld valinn herra Ísland 2005. Keppnin fór fram á Broadway en var sýnd í beinni útsendingu á SkjáEinum og gátu áhorfendur greitt keppendum atkvæði gegnum síma. Morgunblaðið greinir frá.
Í öðru sæti varð Jón Gunnlaugsson, 23 ára Reykvíkingur og Hafþór Hauksson, 19 ára Akureyringur, varð í þriðja sæti.
Í fjórða sæti varð Jónas Freyr Guðbrandsson, tvítugur Akureyringur og Elías Ingi Árnason, 22 ára Reykvíkingur, varð fimmti. Benjamín Árni Hallbjörnsson, 23 ára Kópavogsbúi, var kjörinn vinsælasti keppandinn.
Á vef Fegurðarsamkeppni Íslands er að finna eftirfarandi um Ólaf Geir:
Fullt nafn: Ólafur Geir Jónsson
Gælunafn: Óli Geir
Aldur: 20
Hæð: 180cm
Bæjarfélag: Keflavík
Um mig:
Foreldrar:
Jón Óskar Hauksson og Björk Friðfinnsdóttir
Fjöldi systkyna:
Einn eldri bróðir
Nám-vinna:
Ég er að útskrifast úr Fjölbrautaskóla Suðurnesja núna og vinn einnig hjá sjálfum mér. Ég er með sjónvarpsþátt sem heitir Splash ásamt bróðir mínum. Hann er sýndur einsog er á heimasíðunni okkar splash.is
Kærasta?
Á lausu
Áhugamál:
Fyrst og fremst er það fjölskyldan og vinirnir. Svo eru það að sjálfsögðu íþróttir, hef gaman af næstum öllum íþróttum, ferðast, tónlist og þetta venjulega.
Draumastarfið:
Ég er í draumastarfi.
Draumabíllinn:
Ég er nú bara mjög sáttur með minn einsog er J Honda Accord nýr.
Af hverju tekur þú þátt?
Ég sá þetta sem mjög gott tækifæri til að bæta mina framkomu, mitt sjálfstraust og koma mér í gott form. Einnig til kynnast nýju fólki, það er alltaf jafn gaman.
Hvernig er rómantískt kvöld?
Ná í stelpu á hestavagn skeyttum rauðum rósum, kem henni á óvart með gjöf eða blómum. Förum rúnt á vagninum undir fullu tunglsljósinu. Fer með hana heim til mín, elda fyrir hana sjálfur, læt svo renna í froðubað með kerti í kring, fer með hana inn í svefnherbergið, kveikji á laginu með Maxwell – “This womans work” og tek fram nuddolíuna. Þarf að segja framhaldið.
Hvernig ætlar þú að slá í gegn?
Ég ætla að slá í gegn með því að vera bara ég sjálfur.
