Keflvíkingur ráðinn bæjarstjóri Hafnarfjarðar
Haraldur Líndal Haraldsson hefur verið ráðinn bæjarstjóri í Hafnarfirði. Haraldur er fæddur og uppalinn í Keflavík en er nú búsettur í Garðabæ. Haraldur hefur um 15 ára reynslu sem bæjar- og sveitarstjóri, bæði á Ísafirði í 10 ár og í Dalabyggð í 5 ár. Á undanförnum árum hefur hann starfað sjálfstætt sem ráðgjafi og sérhæft sig í endurskipulagningu í rekstri og fjármálum sveitarfélaga.
Haraldur er 61 árs, kvæntur Ólöfu Thorlacius og eiga þau þrjú uppkomin börn og þrjú barnabörn.