Keflavíkurflugvöllur verður miðstöð samgangna

Í ljósi niðurstöðu kosninga um staðsetningu Reykjavíkurflugvallar í Vatnsmýrinni telur Markaðs- og atvinnuráð Reykjanesbæjar tímabært að leita þegar til þess bærra aðila að kanna kosti og framtíðarmöguleika Keflavíkurflugvallar sem miðstöðvar innanlandsflugs og samgangna á Íslandi. Árið 2016 mun Keflavíkurflugvöllur vera enn betur í stakk búinn til þess að vera vel staðsett samgöngumiðstöð í alfaraleið með tvöfaldri Reykjanesbraut og hringtengingu með
Suðurstrandarvegi, að mati ráðsins. Ólafi Kjartanssyni framkvæmdastjóra MOA hefur verið falið að leita leiða til að hefja þessa vinnu.