Karlahópur femínistafélagsins leitar að sjálfboðaliðum

Karlahópur femínistafélagsins leitar að sjálfboðaliðum til að aðstoða við undirbúning á átaki gegn nauðgunum um verslunarmannahelgina.

Þetta verður með hefðbundnu sniði þar sem útbúin verða barmmerki, plaköt og fleira með áletruninni Karlmenn segja NEI við nauðgunum. Verður reynt að dreifa þessu sem víðast og eru allir hvattir til þess að koma skilaboðunum til skila hér á Suðurnesjunum.

Í samtali við Víkurfréttir sagðist Gísli Hrafn Atlason, ráðskona Karlahópsins, vera tilbúinn að koma plakötum og öðrum varningi til Suðurnesja ef leitast væri eftir því.

Það vantar fólk til að aðstoða við létt verk eins og að hengja upp plaköt og dreifa barmmerkjum og bolum dagana fyrir verslunarmannahelgina.

Þeir sem hafa áhuga geta haft samband við Gísla Hrafn í síma 8468509.



Myndin: Karlahópur femínistafélagsins að afhenda barmmerki