Kappakstur endaði með hörðum árekstri

Kappakstur ungra manna endaði með hörðum árekstri í Sandgerði um helgina. Eitthvað varð mönnum kappsamt á Strandgötunni þar í bæ en gáðu ekki að sér fyrr en þeir höfðu ekið aftan á bifreið sem ekið var á löglegum hraða eftir götunni.Eignatjón varð talsvert en ekki hefur blaðið fengið upplýsingar um hvort einhver meiðsl hafi orðið á fólki. Gera má ráð fyrir að fólk fái hálsáverka þegar ekið er aftan á bifreiðar þess á miklum hraða eins og mun hafa verið í þessu tilviki.

Myndin: Frá slysstað á mótum Strandgötu og Víkurbrautar í Sandgerði um helgina. VF-mynd: Hilmar Bragi Bárðarson