Kannabisóþefur en ekkert saknæmt fannst
- Lögreglan minnir á fíkniefnasímann 800-5005
Rúmlega tvítugur karlmaður framvísaði kannabisefni þegar lögreglumenn á Suðurnesjum gerðu hjá honum heimsókn í vikunni. Þegar lögreglumenn bar að garði lagði mikinn kannabisóþef frá híbýlum mannsins. Hann framvísaði einnig pípu sem hann kvaðst nota við reykingarnar. Ekkert saknæmt fannst þegar lögreglumenn leituðu í íbúðinni.
Lögreglan minnir á fíkniefnasímann 800-5005. Í hann má hringja nafnlaust til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.
