Kanna réttarstöðu íbúa gagnvart verksmiðju United Silicon

Stjórn Andstæðinga stóriðju í Helguvík hefur farið yfir gögn sem þeim hafa borist frá Umhverfisstofnun, Skipulagsstofnum, Reykjanesbæ og fl. Í þeim gögnum eru upplýsingar tengdar uppbyggingu og starfsemi United Silicon í Helguvík. Þá hafa fulltrúar ASH fundað með lögmönnum og tengt yfirferð gagnanna og næsta skref er að kanna réttarstöðu íbúa gagnvart verksmiðjunni til hlítar. Sterkar vísbendingar eru um að starfsleyfi verksmiðjunnar hafi verið gefið út á röngum og mögulega fölskum forsendum. Þannig kemur til skoðunar að höfða mál til ógildingar á starfsleyfi United Silicon og verður boðað til fundar fljótlega með ASH, íbúum og fleiri aðilum sem hafa áhuga og lögvarða hagsmuni af málinu. Þetta kemur fram í fréttatilkynningu frá Andstæðingum stóriðju í Helguvík.