Kalka verði hlutafélag

Innan Sambands sveitarfélaga á Suðurnesjum er nú rætt um að breyta rekstrarformi Kölku í hlutafélag. Bæjarráð Reykjanesbæjar samþykkti á fundi sínum í morgun fyrir sitt leyti að rekstrarforminu yrði breytt og hvetur hin sveitarfélögin til að gera það sama. Bæjarráð leggur til að breytt rekstrarform miðist þá við næstu áramót.

Reiknað er með að hin sveitarfélögin verði búin að taka afstöðu til málsins fyrir 15. september.
Að sögn Böðvars Jónssonar, formanns bæjarráðs, er þessi breyting hugsuð til að laga rekstrarumhverfi Kölku sem hefur verið rekin með halla undanfarin ár.
Með breyttu rekstrarfyrirkomulagi opnast einnig sá möguleiki að einkaaðilar geti komið inn í reksturinn.