Kærður fyrir að aka án skráningarnúmera

Lögreglan hafði afskipti af fjórum ökumönnum vegna umferðalagabrota. Tveir voru ekki með öryggisbelti spennt. Hinir voru að tala í farsíma án þess að nota handfrjálsan búnað.

Tilkynnt var til lögreglu að vélarhlíf bifreiðar við Hrannargötu í Keflavík hefði verið rispuð. Þá var farið í aðra bifreið og teknir þar hlutir ófrjálsri hendi.

Einn maður var kærður fyrir hraðakstur á Reykjanesbraut í morgun og þá var annar kærður fyrir að aka bifreið án skráningarnúmera á Sandgerðisvegi.


VF-mynd úr safni